Pasok ang Gilas sa semifinals.

Nasa patron area tayo sa MOA. Magkasama. Pisat na ang kamay ko sa panggigigil mo.

Tinambakan ng Gilas ang Kazakhstan.

Tumingin ka lang sa akin, tahimik, pero malaki ang ngiti. Nangingilid ang luha.

Sa ating dalawa, ikaw ang basketball fan.

Niyakap mo ako. Mahigpit. Nagsisigawan ang mga tao, kumakaway ang mga manlalaro sa mga fans. Pero nakabalot ang kamay mo sa akin, hindi bumibitaw.

Salamat sa Gilas, pakiramdam ko panalo rin ako.

___________________

Maraming salamat kina Mikael Francisco at Keisha Halili para sa impromptu palihan ng entry na ito over seasalt caramel icecream mula sa Merry Moo sa Mezza Norte.